Bugungi kunda «Farg'onaazot» aksiyadorlik jamiyati “O’zkimyosanoat” aksiyadorlik kompaniyasi tarkibidagi yirik sanoat korxonalaridan biri hisoblanadi. Zavod mahsulotlari nafaqat respublikamiz qishloq xo’jaligi ehtiyojlarini qondiradi, balki chet mamlakatlarga eksport qilinadigan xaridorgir mahsulot hisoblanadi.

Ma'lumki, Farg’ona vodiysi o’sha davrlarda O’zbekiston qishloq xo’jaligining asosiy sohasi – paxtachilik bo’yicha yetakchi o’rinda turar edi. Sug’oriladigan va paxta yetishtiriladigan asosiy maydonlar vodiyda joylashgan bo’lib, bu sohani yanada rivojlantirish, vodiyning poyonsiz bog’larida yetishtiriladigan meva va sabzavotlar hosildorligini oshirish uchun yerning quvvatiga quvvat qo’shadigan mineral o’g’itlar ishlab chiqarishni yo’lga qo’yish talab etilar edi.