Bugun, joriy yilning 13-yanvar kuni korxonaning majlislar zalida, 14 - yanvar Vatan himoyachilari kuni hamda O‘zbekiston Respublikasi Qurolli Kuchlari tashkil etilganining 33 yilligi bayrami munosabati bilan bayram tadbiri tashkil etildi.

Tadbirni kirish so‘zi bilan korxona boshqaruvi raisi Dilshod Mannonov ochib berdi. U o‘z tabrigida Vatanimiz sarhadlarini qo‘riqlash va tinchligini saqlashda o‘z hissasini qo‘shayotgan barcha vatandoshlarimizni bayram bilan tabrikladi. 

   Shuningdek dil izhorlari bilan Komplayens xizmati boshlig‘i G‘ofurjon Jabborov, Milliy gvardiya Alohida bataloni komandiri, podpolkovnik Faxriddin Mamajonovlar ham chiqdilar.

Tadbirning badiiy dasturidan o‘rin olgan, Vatanimizning mard o‘g‘lonlarini ulug‘lovchi she’rlar, kuy va qo‘shiqlar, barcha tadbir qatnashchilariga bayramona shukuh va yaxshi kayfiyat bag‘ishladi.

Bayram tadbiri so‘ngida korxona ma’muriyati hamda kasaba uyushmasi qo‘mitasi tomonidan “14-yanvar Vatan himoyachilari kuni va O‘zbekiston Respublikasi Qurolli Kuchlari tashkil etilganining 33 yilligi munosabati bilan hamda Vatanimiz oldidagi fidokorona  mehnatlari uchun” bir qator xodimlari esdalik sovg‘alar bilan taqdirlandilar.

“Farg‘onaazot” AJ matbuot xizmati