Bugun, 2024-yilning 26-avgust kuni jamiyatning Nazorat o‘lchov asboblari va avtomatika sexining ma’naviyat xonasida, O‘zbekiston Respublikasi Mustaqilligining 33 yilligi munosabati bilan ayollar o‘rtasida sportning shaxmat, shashka turlari bo‘yicha musobaqalar o‘tkazildi.

    Musobaqada korxonaning tarkibiy bo‘linmalaridan ayol va qizlarimiz ishtirok etishdi. O‘yin natijalariga ko‘ra, shashka bo‘yicha 1-o‘rinni Mochevina ishlab chiqarish sexi xodimasi Inobatxon Mamadaliyeva, 2- o‘rinni Sanitar laboratoriyasi laboranti Iroda Yusupova va 3- o‘rinni Elektr ta’minot sexi elektrmontyori Xilola Xolmatova egalladi.

    Shaxmat bo‘yicha 1-o‘ringa Mochevina ishlab chiqarish sexi laboratoriya boshlig‘i Zarina Samatova, 2- o‘rin va 3- o‘ringa Sinov laboratoriyasi laborantlari Dilnoza Abdumajitova hamda Nargiza Yuldashevalar sazovor bo‘ldilar.

      Avval xabar berganimizdek, taqdirlash marosimi joriy yilning 29-avgust kuni Mustaqilligiimizning 33 yilligi konsert dasturida tantanali ravishda o‘tkaziladi.   

“Farg‘onaazot” AJ matbuot xizmati