Ko‘rik-tanlov “O‘zkimyosanoat” AJning tizim korxonalarida ma’naviyat xonalarini zamon talabi darajasida qayta jihozlash maqsadida tashkillangan edi.

    Korxona boshqaruvi raisi Dilshod Mannonov “Eng namunali ma’naviyat xonasi” ko‘rik-tanlovida ishtirok etgan barcha sexlarga o‘z minnatdorchiligini bildirgan holda tadbirni ochiq deb e’lon qildi.

   Tadbirni olib borgan boshqaruv raisining ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi E’zozxon Abdullayeva so‘zlariga ko‘ra, tanlovda 3-o‘rinlarni  Markaziy kimyo laboratoriyasi va Idoraviy harbiylashtirilgan qo‘riqlash xizmati egallagan va 5 300 000 so‘m pul mukofoti hamda diplomni qo‘lga kiritishgan.

   2-o‘rinlar esa Aloqa sexi va Jihozlarni markazlashtirilgan ta’mirlash sexiga nasib etib, 7 910 000 so‘m pul mukofoti va diplomga ega bo‘lganlar. Mutloq g‘oliblik Mexanik ta’mirlash sexiga nasib etib, 11 300 000 so‘m pul mukofoti hamda diplomga ega bo‘lgan.    

“Farg‘onaazot” AJ matbuot xizmati