“Farg’onaazot” aksiyadorlik jamiyatida “Korxona ravnaqi yo‘lida birlashamiz” “Kasbim faxrim” mavzusida davra suhbati o‘tkazildi
Davra suhbatida korxonada uzoq yillardan buyon faoliyat yuritib kelayotgan, davlat mukofotlari bilan taqdirlangan, tajribali ustozlar AK-72M sex boshlig‘i Nabiev Anvar Madaminovich, Ijtimoiy ahamiyatga ega ob’ektlar boshqarmasi Nuroniylar masalalari bo‘yicha mutaxassis lavozimida ishlab kelayotgan Artikov Abdulboqi Djuraevich qatnashdilar. Ustozlar birma bir so‘zga chiqib korxona yoshlariga o‘zlarining xayotiy tajribalaridan kelib chiqib jamiyatda kasbning o‘rni va ma’lum bir kasb egasi bo‘lish uchun ustozlarning o‘rni qay darajadaligi to‘g‘risida o‘z fikrlarini bildirib yoshlarga o‘z bilimlarini ulashdilar.
Tadbir davomida korxona yoshlari xam faol qatnashdilar, kasbga bo‘lgan muxabbatlari va kasb bo‘yicha tushunchalarini barcha yoshlarga, yosh avlod vakili sifatida keng targ‘ib qildilar.
Tadbir yakunida korxona yoshlar yetakchisi N.N.Sirojov barcha yoshlar nomidan, korxona ravnaqi yo‘lida o‘z bilimlari va mehnatlarini ayamagan ustozlarni 1-oktabr “Ustozlar va murabbiylar” kuni munosabati bilan qutladi.
“Farg’onaazot” aksiyadorlik jamiyati matbuot xizmati