ХALQARO OILA KUNI MUNOSABATI BILAN “ONA VA BOLA” KO‘RIK TANLOVI BO‘LIB O‘TDI
O‘zbekiston Davlat filarmoniyasi hududiy bo‘linmasida “Farg‘onaazot” AJ ishchi-xodimlari o‘rtasida bo‘lib o‘tgan tanlovda korxonamizda faoliyat ko‘rsatayotgan ayollarimiz o‘z oilalari bilan ishtirok etishi talab etildi. Tanlov nizomiga asosan har bir ishtirokchi o‘zi va oilasi haqidagi ma’lumotni jamiyatimiz xotin –qizlar va kasaba uyushma ko‘mitalariga taqdim etdilar. Ko‘rik tanlov uch bosqichda, “Tanishtiruv”, “Oila ma’naviyati”, “Erkin mavzu”da bo‘lib o‘tdi.
Tanlovda 7 nafar oila ishtirok etdi. Ular xay’at a’zolari tomonidan 5 ballik sistemada baholanib borildi. Ballar natijalariga ko‘ra, 1-o‘rin ishchilar ta’minoti sexi ishchisi Zaynuraxon Xolmatovaga, 2- o‘rin markaziy kimyo laboratoriyasi laboranti Barnoxon Tursunovaga va 3-o‘rin sanitar laboratoriyasi laboranti Shaxnozaxon Axatovalarga nasib etdi.
“Ona va bola” ko‘rik tanlovining g‘oliblari va faol ishtirokchilari korxona ma’muriyati va kasaba uyushma ko‘mitasining Faxriy yorliqlari hamda qimmatbaho sovg‘alari bilan taqdirlanishdi.
“Farg‘onaazot” AJ matbuot xizmati