Joriy yilning 11-dekabr kuni, “Yong‘in xavfsizligi oyligi”ni o‘tkazish doirasida,  korxonaning II-sanoat maydonida yana bir tadbir tashkil etildi. Bu gal, Ammiakli selitra ishlab chiqarish sexi (AS-72M), Konsentratsiyalanmagan azot kislotasi sexi (AK-72M), Bug‘-qozon sexi, Mochevina ishlab chiqarish sexi va  II-sanoat maydoni omborlar kompleksi ishchi-xodimlari ishtirokida yong‘in o‘chirish texnikasi va asbob-anjomlari ko‘rgazmali namoyishi tashkil etildi.

Tadbir davomida ishchi-xodimlarga  birlamchi o‘t o‘chirish vositalardan foydalanish usullari, yong‘inlar  va  turli  xildagi  favqulodda  vaziyatlarning  kelib  chiqish  sabablari  hamda  ularda  qanday  harakatlarni  amalga  oshirish  kerakligi  to‘g‘risida  yo‘l-yo‘riqlar  berildi.

Korxonamizda  “Yong‘in xavfsizligi oyligi” o‘tkazish  doirasidagi  tadbirlar  davom   etadi.

“Farg‘onaazot” AJ matbuot xizmati