Joriy yilning 4-dekabr kuni, “Yong‘in xavfsizligi oyligi”ni o‘tkazish doirasida,  korxonaning I-sanoat maydonida yana bir tadbir tashkil etildi. Bu gal, Avtotransport  sexi, Ammiak-3 sexi, Jihozlarni markaziy ta’mirlash sexi, Еlektr jihozlarini markaziy ta’mirlash sexi, I-sanoat maydoni omborlar kompleksi, XMD sexi va Metall parchalarini tayyorlash va topshirish sexlari ishchi-xodimlari ishtirokida yong‘in o‘chirish texnikasi va asbob-anjomlari ko‘rgazmali namoyishi tashkil etildi.

Tadbir davomida ishchi-xodimlarga  birlamchi o‘t o‘chirish vositalardan foydalanish usullari, yong‘inlar  va  turli  xildagi  favqulodda  vaziyatlarning  kelib  chiqish  sabablari  hamda  bunday hollarda  qanday  harakatlarni  amalga  oshirish  kerakligi  to‘g‘risida  ko‘rsatmalar  berib o‘tildi.

Korxonamizda  “Yong‘in xavfsizligi oyligi” o‘tkazish  doirasidagi  tadbirlar  davom   etmoqda.

“Farg‘onaazot” AJ matbuot xizmati