“Kimyogar” bolalar sog‘lomlashtirish oromgohida “Yong‘in xavfsizligi oyligi” doirasida “Dolzarb  30 kun”  tadbiri  “Farg‘onaazot” aksiyadorlik  jamiyatining MM, XT, AMM va XIChO SX, FM va FV  boshqarmalari hamda OBYXTTEB  xodimlari va yoshlar ittifoki Kengashi  hamkorlikda  bolajonlar uchun  ko‘rgazmali amaliy mashg’ulotlar o‘tkazildi.

Unda soha mutaxassislari tomonidan yong’in xavfsizligini ta’minlash yuzasidan bolalarga yongʻin xavfsizligi qoidalari, oʻt oʻchirishning birlamchi vositalaridan foydalana olishga oʻrgatish hamda yong‘in o‘chirish avtomobili asbob-anjomlarini ko‘rgazmali namoyishi bo‘lib o‘tdi. Shu bilan bir qatorda oromgohda favqulodda vaziyat yuzaga kelganida bunday hollarda qanday harakatlarni  amalga  oshirish lozimligi to‘g‘risida to‘liq ma’lumotlar berilib, yo‘l-yo‘riqlar  ko‘rsatildi. Shuningdek gaz niqoblarni taqish normativlarini bajarish bo‘yicha “Yosh qutqaruvchilar” musobaqasi bolalar o‘rtasida tashkil etildi. Ushbu musobaqada fahrli I, II va III o‘rinlarni egallagan bolajonlarga korxona kasaba uyushmasi qo‘mitasi va yoshlar ittifoqi Kengashi tomonidan diplom va esdalik sovg‘alari bilan taqdirlandi.

“Farg‘onaazot” AJ matbuot xizmati