Oʻzbekiston Respublikasi Prezidentining “Kibersport turlarini yanada rivojlantirish va keng ommalashtirishga oid qo‘shimcha chora-tadbirlar to‘g‘risida”gi qarori ijrosini ta’minlash maqsadida joriy yilning 20-noyabr kuni korxona xodimlari o‘rtasida kibersport musobaqalari bo‘lib o‘tdi.

Bu gal, kibersportning FIFA turi boʻyicha o‘tkazilgan musobaqada, korxonaning sex va bo‘limlarida faoliyat yuritayotgan 18 nafar xodimlar ishtirok etishdi. Qizg‘in va murosasiz kechgan musobaqada g‘oliblar aniqlandi, unga ko‘ra faxrli birinchi o‘rinni Axborot kommunikatsiya texnologiyalari boshqarmasi xodimi Bakirov Hayotjon egalladi, faxrli ikkinchi o‘rinni Xaridlarni transformatsiya qilish boʻlimi mutaxassisi Amirbekov Abrorbek egalladi, faxrli uchinchi o‘rinni Ijtimoiy rivojlanish va jamoatchilik bilan aloqalar bo‘limi mutaxassisi Umarov Nasibjon egalladi.

G‘olib va sovrindorlar Korxona kasaba uyushma qo‘mitasi tomonidan taqdirlanadi.

 “Fargʻonaazot” AJ matbuot xizmati