Bugun, joriy yilning 23-oktabr kuni korxonaning faollar zalida Idoraviy harbiylashtirilgan qo‘riqlash shaxsiy tarkibi va Tartib-maxfiy boshqarmasi xodimlari uchun ma’naviy-ma’rifiy tadbir o‘tkazildi.

Tadbirda Oila va xotin-qizlar qo‘mitasi mutaxassisi Zulfizar Mo‘minova, “Oqila ayollar” harakati ko‘ngillisi Xurriyatoy Isomiddinova va Farg‘ona shahar bosh imom-xatibi Jurabek Rahmonovlar ishtirok etishdi.

Uchrashuv o‘z ichiga “Oila mustahkamligini jamiyat rivojidagi ahamiyati”, “Vatanparvarlik va mas’uliyat hissi”, “O‘g‘irlik va talon - tarojlikka qarshi kurash” kabi dolzarb mavzularni oldi.

Shuningdek, tadbirda oilalar farovonligidagi ota-onalar o‘rni, munosabatlarda mehr-oqibat, o‘zaro hurmat, odob va axloq masalalari borasida ibratli ma’ruzalar qilindi. Yoshlarni vatanparvarlik ruhida tarbiyalash, noqonuniy xatti-harakatlarni oldini olishga bag‘ishlangan mazmunli chiqishlar tadbir ishtirokchilarini  befarq qoldirmadi.

Tadbir yakunida joriy yilning 9 oyi yakuni bo‘yicha  idoraviy harbiylashtirilgan qo‘riqlash faoliyati natijalari sarhisob qilindi. O‘zining namunali xizmati bilan IHQ tarkibida faoliyat yuritayotgan qo‘riqlash smenasi katta qo‘riqchilari M. Uzaqov,
G‘. Fozilov, qo‘riqlash smenasi katta qo‘riqchisi yordamchisi – tarqatuvchi I.Qodirov, o‘qchilar I.Egamberdiyeva, K.Qurbonbekova, Sh. Alijonov va bir guruh xodimlar korxona ma’muriyatining faxriy yorliqlari va kasaba uyushma qo‘mitasining esdalik sovg‘alari bilan taqdirlandi.

“Farg‘onaazot” AJ matbuot xizmati