Xavfli   ichlab  chiqarish  obyektlarida   yong‘inlar  profilaktikasi  samaradorligini  oshirish,  sanoat  va  yong‘in  xavfsizligini  ta‘minlash maqsadida, jamiyatimizning  Sanoat  xavsizligi  boshqarmasi  va  OBYXTTEB  xodimlari  bilan  hamkorlikda 2023 – 2024- yillardagi  kuz-qish  mavsumini  betalofat  o‘tkazish, yuzaga  kelishi  mumkin  bo‘lgan  favqulodda  vaziyatlar  va  yong‘inlar,  is  gazidan  zaharlanishlar,  gaz-havo  aralashmasining  chaqnashi  kabi  ko‘ngilsiz  holatlarni  oldini  olish  yuzasidan jamiyatning sex va boshqarmalari xodimlari ishtirokida  profilaktik  tadbir  hamda  ko‘rgazmali  texnikalar  namoyishi  tashkil  etildi.    
          Tadbirda  soha mutaxassislari tomonidan ishchi-xodimlarga  yong‘inlar  va  turli  xildagi  favqulodda  vaziyatlarning  kelib  chiqish  sabablari  va mazkur holatlarda qanday  harakatlarni  amalga  oshirish  kerakligi  to‘g‘risida  suhbatlar o‘tkazilib, ko‘rsatmalar berib o‘tildi.  Tadbir  so‘nggida  ishchi-xodimlar  sanoat, texnika  va  yong‘in  xavfsizligi  qoidalariga  qat’iy  rioya  etishlari  bo‘yicha  yana  bir  bor  eslatmalar  berib  o‘tildi.

“Farg‘onaazot” AJ matbuot xizmati