MUSTAQILLIGIMIZNING 30 YILLIGIGA BAG’ISHLANGAN BAYRAM SAYLI TANTANALI RAVISHDA BO’LIB O’TDI
«Kimyogar» yoshlar madaniyat bogʼida "Farg'onaazot" aksiyadorlik jamiyati o‘zining ishchi-xodimlari, ularning oila a’zolari hamda shahrimizning Kirguli mavzesi aholisiga Mustaqilligimizni 30 yilligi munosabati bilan bayram sayli tashkil etdi.
Bayram tantanali ravishda bo’lib o‘tdi. Korxona xodimlari oila a’zolari bilan bayram sayliga tashrif buyurib, viloyatimiz va Respublikamizning taniqli hushovoz xonandalari kuy-qo‘shiqlaridan bahramand bo‘ldilar.
Bayram saylini Farg‘ona shahar xokimining birinchi o‘rinbosari Bobur Mo‘minov o‘zining samimiy tilaklari bilan ochib berdi.
- Barchangizni Mustaqilligimizning 30 yilligi munosabati bilan tabriklayman! Sizlarga oilaviy baxt-saodat, sog‘liq xamrohingiz bo‘lishini tilab qolaman. Shu o‘rinda bunday chiroyli bayramni tashkillagan "Farg'onaazot" aksiyadorlik jamiyati rahbariyatiga Farg‘ona shahar xokimligi nomidan minnatdorchilik bildiraman. Mustaqilligimiz abadiy bo‘lsin! Bayramingiz bilan azizlar – dedi Bobur Mo‘minov o’zining nutqida.
Bayram sayliga viloyatimizning nufuzli telekanallaridan biri bo‘lmish “Ruxsor TV” boshlovchilari hamda taniqli qo‘shiqchilari tashrif buyurdilar. Xonandalar o‘zlarining Vatanimizni madh etgan va boshqa qo‘shiqlari bilan tomoshabinlarni baxramand etdilar.
Bayram yuqori kayfiyatda bo‘lib o‘tdi. Saylga tashrif buyurganlar korxona rahbariyati va bayram tashkilotchilariga o‘z minnatdorchiliklarini bildirib o‘tdilar.
"Farg'onaazot" aksiyadorlik jamiyati matbuot xizmati.