Bugun, 29-oktabr kuni korxonaning NO‘A va A sexida, “11-noyabr - O‘zbekiston kasaba uyushmalari kuni” munosabati bilan “Yangi O‘zbekistonning yangi kasaba uyushmalari o‘n kunligi” doirasida korxona Kasaba uyushma qo‘mitasi tomonidan ayollar o‘rtasida Stol tennisi bo‘yicha sport musobaqasi tashkil etildi.

Musobaqada, korxona tarkibiy bo‘linmalarida faoliyat yuritayotgan, stol tennisi havaskorlari kuch sinashdi.

Murosasiz va qiziqarli kechgan o‘yinda, sovrinli o‘rinlarni quyidagi xodimlar egallashdi:      

1-o‘rin Nargiza Yuldasheva (Sifat nazorati va standartlarga rioya qilish bo‘limi tekshiruvchisi). 

2 – o‘rin Nigora Madaliyeva (Davolash-sog‘lamlashtirish diagnostika sexi hamshirasi).

3 – o‘rin Zuxra Baratova (Bug‘-qozon sexi iqtisodchisi) qo‘lga kiritdi. G‘oliblar korxona Kasaba uyushma qo‘mitasi tomonidan diplom va esdalik sovg‘alari bilan taqdirlandi.

Eslatib o‘tamiz, korxonada tasdiqlangan dastur doirasida erkaklar o‘rtasida ham stol tennisi o‘tkazilishi rejalashtirilgan.

Bundan tashqari Voleybol, hamda Zakovat Quiz intellektual o‘yini bo‘lib o‘tishini ma’lum qilamiz.

“Farg‘onaazot” AJ matbuot xizmati