Bugun, 11-noyabr “Kasaba uyushmalari kuni” munosabati bilan korxonada o‘tkazib kelinayotgan “Kasb mahorati - 2024” ko‘rik-tanlovining navbatdagi “Eng yaxshi yosh mahoratli elektromontyor” yo‘nalishi bo‘yicha tanlovi, Elektr jihozlarni markazlashtirilgan ta’mirlash sexida o‘tkazildi.

Mazkur, ko‘rik-tanlov ikki bosqichda, birinchi bosqich test sinovlari, ikkinchi bosqich amaliy mashg‘ulotlar tarzida o‘tkazildi. Bu yilgi tanlovda, korxona sexlarida faoliyat yuritayotgan, 10 nafar yosh elektromontyorlar ishtirok etdi. 

Tanlov yakunlariga ko‘ra, birinchi o‘rinni Elektr ta’minoti sexi elektromontyori Axmadali Abdusalimov egalladi,  ikkinchi o‘rinni Karbamid ishlab chiqarish sexi elektromontyori Javohirbek Xusanov qo‘lga kiritdi  va faxrli uchinchi o‘rini Xlorat magniy defolianti sexi elektromontyori Jasurbek Abdurashidovga nasib etdi.   

Barcha sovrindorlarni g‘alaba bilan tabriklaymiz, mehnatda yangidan yangi yutuq va omadlar tilab qolamiz!

 Eslatib o‘tamiz, “Kasb mahorati 2024” ko‘rik-tanlovining g‘oliblarni taqdirlash marosimi yaqin kunlarda bo‘lib o‘tadi. 

 “Farg‘onaazot” AJ matbuot xizmati