Avval xabar berilganidek, “Kasaba uyushmalari kuni” munosabati bilan korxonada o‘tkazib kelinayotgan “Kasb mahorati 2024” ko‘rik-tanlovining navbatdagi “Eng yaxshi yosh mahoratli chilangar” yo‘nalishi bo‘yicha tanlovi bugun, 26-noyabr kuni, Jihozlarni markazlashtirilgan ta’mirlash sexida o‘tkazildi.

Nizomiga muvofiq, ko‘rik-tanlov ikki bosqichda, birinchi bosqich test sinovlari, ikkinchi bosqich amaliy mashg‘ulotlar tarzida o‘tkazildi.

Tanlov natijalariga ko‘ra, birinchi o‘rinni Polietilen qop ishlab chiqarish sexi chilangari Nazirjon Abduraimov egalladi,  ikkinchi o‘rinni Soda ishlab chiqarish sexi chilangari Muzaffarjon Ahmadjonov qo‘lga kiritdi  va faxrli uchinchi o‘rini Jihozlarni markazlashtirilgan ta’mirlash sexi chilangari A’zamjon Mutallibovga nasib etdi.   

Barcha sovrindorlarni g‘alaba bilan tabriklaymiz, mehnatda yangidan yangi yutuq va omadlar tilab qolamiz!

 Eslatib o‘tamiz, “Kasb mahorati 2024” ko‘rik-tanlovining g‘oliblarni taqdirlash marosimi yaqin kunlarda bo‘lib o‘tadi. 

 “Farg‘onaazot” AJ matbuot xizmati