Bugun, korxonaning Mexanikaviy ta’mirlash sexida, “11-noyabr Kasaba uyushmalari kuni”ni keng nishonlash maqsadida, yosh mutaxassislarni yanada qo‘llab-quvvatlash, eng mahoratli kasb egasini saralab olish uchun “Kasb mahorati-2024” ko‘rik-tanlovi o‘tkazildi.

Nizomga muvofiq, ko‘rik-tanlov ikki bosqichda, birinchi bosqich test sinovlari, ikkinchi bosqich amaliy mashg‘ulotlar tarzida o‘tkazildi. Bu yilgi tanlovda 8 nafar yosh payvandchilar ishtirok etdi. 

Tanlov natijalariga ko‘ra, birinchi va  ikkinchi o‘rinlarni Jihozlarni markazlashtirilgan ta’mirlash sexi payvandchilari Bekjahon Karimov va Zuxriddin G‘ofurovlar egallashdi, uchinchi o‘rinni esa, Xlorat magniy defolianti sexi payvandchisi Farruxbek Mirzabayevga nasib etdi.

Barcha sovrindorlarni g‘alaba bilan tabriklaymiz, mehnatda yangidan yangi yutuq va omadlar tilab qolamiz!

Eslatib o‘tamiz, “Kasb mahorati 2024” ko‘rik-tanlovining g‘oliblarini taqdirlash marosimi yaqin kunlarda bo‘lib o‘tadi. 

“Farg‘onaazot” AJ matbuot xizmati