Jamiyatning  Sanoat  xavfsizligi  boshqarmasi,  Qutqaruv  otryadi,  FVB  OYXTTEB  xodimlari  bilan  hamkorlikda  xavfli  ishlab  chiqarish  obyektlarida  sanoat  xavfsizligi, yong‘inlar  profilaktikasi  samaradorligini  oshirish,  2024 - 2025 – yillardagi  kuz-qish  mavsumini  betalafot  o‘tkazish, yuzaga  kelishi  mumkin  bo‘lgan  favqulodda  vaziyatlar  va  yong‘inlar,  is  gazidan  zaharlanish,  gaz-havo  aralashmasining  chaqnashi, shuningdek,  turli  xil  kimyoviy  moddalardan  zaharlanishlar  kabi  ko‘ngilsiz  holatlarni   oldini  olish  yuzasidan, korxonaning  Jihozlarni markazlashtirilgan ta’mirlash  sexida  1-sanoat  maydoni    ishchi-xodimlariga  keng  ko‘lamli  profilaktik  tadbir  hamda  ko‘rgazmali  texnikalar  namoyishi  tashkil  etildi. 

Tadbirda  ishchi-xodimlarga  yong‘inlar  va  turli  xildagi  favqulodda  vaziyatlarning  kelib  chiqish  sabablari  hamda  bunday holatlarda  qanday  harakatlarni  amalga  oshirish  kerakligi  to‘g‘risida  ko‘rsatmalar  berib o‘tldi.

Tadbir  so‘ngida  ishchi-xodimlarga birlamchi yong‘in o‘chirish vositalaridan foydalanish tartibi tushuntirildi hamda amaliy ko‘nikmalari oshirildi.

Shu bilan birga  sanoat  va  yong‘in  xavfsizligi, QO-1, QO-2, QO-3  qoidalariga  qat’iy  rioya  etish  bo‘yicha  yana  bir  bor  eslatmalar  berib  o‘tildi.

Korxonamizda  KUZ-QISH  mavsumini  betalafot  o‘tkazish  doirasidagi  tadbirlar  davom etishini, ma’lum qilamiz.

                                                            “Farg‘onaazot” AJ matbuot xizmati