KORXONADA O‘QUV MASHG‘ULOTLARI YAKUNLARIGA BAG‘ISHLANGAN SEMINAR BO‘LIB O‘TDI
Bugun, 29-oktabr kuni korxonaning faollar zalida fuqaro muhofazasi va favqulodda vaziyatlar bo‘yicha o‘tkazilgan mashg‘ulotlar yakunlariga bag‘ishlangan seminar bo‘lib o‘tdi.
Seminarni jamiyat boshqaruvi raisi, korxona fuqaro muhofazasi shtabi boshlig‘i Dilshod Mannonov kirish so‘zi bilan ochib berdi va barcha ishtirokchilarga mashg‘ulotlardagi faol ishtiroki, qutqaruv xizmatlari samaradorligi hamda korxona fuqaro muhofazasi shtablari va fuqaro muhofazasi bo‘linmalari harakatlarining uyg‘unligi uchun minnatdorchilik bildirdi.
Shuningdek, seminarda mashg‘ulotlarni yuqori saviyada tashkil etilganligi hamda muvaffaqiyatli o‘tkazganliklari uchun korxonaning bir qator xodimlari korxona ma’muriyati va kasaba uyushma qo‘mitasining faxriy yorliqlari hamda esdalik sovg‘alari bilan taqdirlandi.
Seminarda joriy yilning 17-iyul kuni Farg‘ona viloyatida o‘tkazilgan qo‘mondonlik-shtab o‘quv mashg‘ulotlari hamda 18-oktabr kuni korxonada o‘tkazilgan fuqaro muhofazasi bo‘yicha maxsus-taktik o‘quv mashg‘ulotlari yakunlari muhokama qilindi.
Bundan tashqari, seminar doirasida qutqaruv xizmati bo‘linmalarining jangovar tayyorgarligi va favqulodda vaziyatlarda ko‘nikmalarini aks ettiruvchi videorolik namoyish etildi.
“Farg‘onaazot” AJ matbuot xizmati