“21-oktabr – o‘zbek tili bayrami” kuni munosabati bilan korxona xodimlari o‘rtasida “Kitobxon xodim” ko‘rik-tanlovi o‘tkazildi. Mazkur tanlovda tarkibiy bo‘linmalardan 18 nafar ishchi-xodimlar ishtirok etdi.       

Tanlov xodimlar o‘rtasida kitobxonlik madaniyatini oshirishga qaratilgan ustuvor vazifalarni izchil amalga oshirishga yo‘naltirilgan bo‘lib, u korxona boshqaruvi raisi tomonidan tasdiqlangan nizomga asosan 3 bosqichda, ya’ni 1-shart “O‘zbek va Jahon adabiyotidan misralar”,  2-shart “Asarlardan monolog”, 3-shart “Men sevib o‘qigan asar” shartlari bo‘yicha o‘tkazildi.  

Ishtirokchilar oldindan tavsiya etilgan 5 ta kitoblardan shartlar bo‘yicha javob berdilar. Berilgan javoblar hakamlar hay’ati tomonidan nizom bo‘yicha baholab borildi.

Tanlov natijasiga ko‘ra, 1-o‘rinni ishlab chiqarishni nazorat qilish va loyihalarni amalga oshirish bo‘limi yetakchi mutaxassisi Akmaljon Xaydarov, 2- o‘rinni NO‘A va A sexi chilangari Odinaxon Maxmudova va 3- o‘rinni Markaziy kimyo laboratoriyasi k/t laboranti Oydina Abduraximovalar egallab, korxona tomonidan qo‘yilgan 4 000 000 so‘m,  3 000 000 so‘m hamda  2 000 000 so‘m pul  mablag‘lari va diplomlarni qo‘lga kiritdilar.

Shuningdek, yuqori bal to‘plagan 7 nafar ishtirokchilar jamiyat Yoshlar ittifoqi BT tomonidan kitoblar to‘plami hamda Faxriy yorliqlar bilan taqdirlandi.  

“Farg‘onaazot” AJ matbuot xizmati