Korxonada “Kuz-qish” mavsumiga tayyorgarlik ko‘rish va betalafot o‘tkazish,  sanoat va yong‘in xavfsizligini  ta’minlash  shuningdek tezkor xizmatlarning jangovor shayligini yanada oshirish maqsadida Jamiyatning  Sanoat  xavfsizligi, FVB OYXTTE, Qutqaruv otryadi, hamda DSDS xodimlari  bilan  hamkorlikda  xavfli  ishlab  chiqarish  obyektlarida  Avariyalarni  bartaraf  etish  rejasi  bo‘yicha  jamiyatning Ammiakli  selitra  ishlab  chiqarish  sexi  718 - binosida   joylashgan   PSV-1  qurilmasidan  ammiakni  atrof  muhitga  sizib  chiqishi  bilan   bog‘liq  avariya  sodir  bo‘lgan. 

Avariya  natijasida  jabrlangan   ishchi-xodimlar  tezkor   xizmatlarni,  ya’ni  Qutqaruv  otryadi, Yong‘in  qutqaruv  qismi,  Tibbiy  xizmat  va  idoraviy  harbiylashtirilgan  qo‘riqlash  bo‘limlarini  jalb  etgan  holda   insonlar  hayoti  uchun  zararli  modda  tarqalgan  hududni  qurshab olib  va  odamlarni  zararlangan  hududdan  olib  chiqish  mavzusida   o‘quv  amaliy-taktik  mashg‘uloti  o‘tkazildi.

Shuningdek, tadbirda  ishchi-xodimlarga  yong‘inlar  va  turli  xildagi  favqulodda  vaziyatlarning  kelib  chiqish  sabablari  hamda  ularda  qanday  harakatlarni  amalga  oshirish  kerakligi  to‘g‘risida  batafsil tushuntirib berildi.

Tadbir  yakunida  ishchi-xodimlarga  sanoat  va  yong‘in  xavfsizligi, QO-1, QO-2, QO-3  qoidalariga  qat’iy  rioya  etish  bo‘yicha  yana  bir  bor  eslatmalar  berib  o‘tildi.

Korxonamizda “Kuz-qish” mavsumini  betalafot  o‘tkazish  doirasidagi  tadbirlar  davom   etmoqda.

                                                                     “Farg‘onaazot” AJ matbuot xizmati