Xabaringiz bor mamlakatimiz bo‘ylab favqulodda vaziyatlarning oldini olish va ularni bartaraf etish bo‘yicha 15-noyabrdan 15-dekabrga qadar “Yong‘in xavfsizligi oyligi” e’lon qilingan. 

Bugun, jamiyatimizning Ammiakli selitra ishlab chiqarish  sexida 2-sanoat  maydoni ishchi-xodimlariga “Kuz-qish”  mavsumiga  tayyorgarlik  ko‘rish  va  betalafot  o‘tkazish, “Yong‘in xavfsizligi oyligi” doirasida targ‘ibot va tashviqot tadbiri bo‘lib o‘tdi.

Keng  ko‘lamli  profilaktik tadbir, korxonaning  SANOAT  XAVFSIZLIGI  BOSHQARMASI,  QUTQARUV  OTRYADI,  FVB  OYXTTEB  xodimlari    hamkorligida tashkil etildi. 

Tadbirda ishchi-xodimlarga favqulodda vaziyatlar yuzaga kelganda uni bartaraf etish, jabrlanganlarni qutqarish,  birinchi tibbiy yordam ko‘rsatish, sodir bo‘lgan yong‘inni o‘chirish bo‘yicha o‘quv mashqlari hamda texnikalar namoyishi bo‘lib o‘tdi.

Tadbir  so‘ngida  ishchi-xodimlarga  sanoat  va  yong‘in  xavfsizligi, QO-1, QO-2, QO-3  qoidalariga  qat’iy  rioya  etish  bo‘yicha  yana  bir  bor  eslatmalar  berib  o‘tildi.

Korxonamizda  “Kuz-qish”  mavsumini betalafot o‘tkazish hamda “Yong‘in xavfsizligi oyligi” doirasidagi  tadbirlar  davom   etadi.

“Farg‘onaazot” AJ matbuot xizmati