KORXONAMIZDA KO‘RIK-TANLOV VA SPORT MUSOBAQALARI G‘OLIBLARINI TAQDIRLASH MAROSIMI BO‘LIB O‘TDI
Avval xabar berilganidek, “11- noyabr Kasaba uyushmalari kuni” munosabati bilan, korxona xodimlari uchun badiiy-ommaviy, madaniy-ma’rifiy va sport tadbirlari yuqori saviyada o‘tkazildi.
Bugun, korxonaning majlislar zaliga korxonaning ijtimoiy hayotida faol ishtirok etayotgan xodimlarni taqdirlash marosimi bo‘lib o‘tdi.
Taqdirlash marosimi tabrik so‘zi bilan kasaba uyushmasi qo‘mitasi raisi Ilhom Abduvohidov ochib berdi. Kasaba uyushmasi qo‘mitasi raisi, o‘z nutqida korxona yosh mutaxassislarining “Kasb mahorati-2024” tanlovidagi ko‘rsatgan yuksak kasbiy mahorati va sport musobaqalaridagi jamoalarni faol ishtirokini alohida ta’kidlab o‘tdi.
Taqdirlash marosimida jamiyat ishchi-xodimlari o‘rtasida o‘tkazilgan “Kasb mahorati-2024” ko‘rik-tanlovi, stol tennisi, voleybol musobaqalari va Kibersport turniri, g‘oliblariga kasaba uyushmasi qo‘mitasining diplomi va esdalik sovg‘alari tantanali ravishda topshirildi.
Barcha g‘oliblarni qozongan g‘alabalari bilan tabriklaymiz va kelgusidagi mehnat faoliyatida muvaffaqiyatlar tilaymiz!
“Farg‘onaazot” AJ matbuot xizmati