Hukumat komissiyasining tegishli bayoniga muvofiq joriy yilning 1-iyul kunidan 1-avgust kuniga qadar “Dolzarb  30 kun”  e’lon qilingan bo‘lib, mazkur tadbirlar doirasida  “Farg‘onaazot” AJning  Sanoat xavfsizligi boshqarmasi  hamda  FVB  OYXTTEB  xodimlari  hamkorlikda  korxonaning  2- sanoat  maydoni  ishchi-xodimlari ishtirokida kutubxonada seminar-trening  o‘tkazildi. 

Seminar-treningda  ishchi-xodimlarga  yong‘inlar va turli  xildagi  favqulodda  vaziyatlarning  kelib  chiqishi, bunday vaziyatlarda qanday harakatlarni  amalga  oshirish  kerakligi  to‘g‘risida  to‘liq ma’lumotlar berib o‘tildi.

Tadbir  so‘ngida  ishchi-xodimlar  sanoat  va  yong‘in  xavfsizligi  qoidalari yuzasidan turli savollar bilan soha vakillariga yuzlandi va atroflicha javob olinib, kerakli ma’lumotlarga ega bo‘lishdi.

“Farg‘onaazot” AJ matbuot xizmati