Joriy yilning 27-noyabr kuni, “Yong‘in xavfsizligi oyligi”ni o‘tkazish doirasida,  korxonaning Soda mahsulotlarini ishlab chiqarish sexi hududida profilaktik tadbir tashkil etildi. Tadbirda, Soda mahsulotlarini ishlab chiqarish sexi, Sellulozaning murakkab efirlari sexi, Sirka angidridi va Sirka kislotasini qayta tiklash sexi, Sanitar laboratoriyasi, Ta’mirlash-qurilish sexi, ishchi-xodimlari ishtirokida yong‘in o‘chirish texnikasi va asbob anjomlari ko‘rgazmali namoyishi tashkil etildi.

Tadbir davomida ishchi-xodimlarga  birlamchi o‘t o‘chirish vositalardan foydalanish usullari, yong‘inlar  va  turli  xildagi  favqulodda  vaziyatlarning  kelib  chiqish  sabablari  hamda  ularda  qanday  harakatlarni  amalga  oshirish  kerakligi  to‘g‘risida  yo‘l-yo‘riqlar  berildi. Shuningdek tadbir davomida shartli yong‘in uyushtirilib, ishchi-xodimlar ishtirokida o‘t o‘chirish vositalari orqali yong‘in bartaraf etildi.

Korxonamizda  “Yong‘in xavfsizligi oyligi” o‘tkazish  doirasidagi  tadbirlar  davom   etadi.

“Farg‘onaazot” AJ matbuot xizmati