Joriy yilning 20-noyabr kuni, “Yong‘in xavfsizligi oyligi”ni o‘tkazish doirasida,  korxonaning I-sanoat maydonida yana bir tadbir tashkil etildi. Bu gal, Havo ajratish sexi, Nazorat o‘lchov asboblari va avtomatika sexi, Elektr ta’minoti sexi, Markaziy kimyo laboratoriyasi, Texnologik jarayonlarni avtomatlashtirilgan boshqaruv tizimi va Metrologiya boshqarmasi xodimlari ishtirokida yong‘in o‘chirish texnikasi va asbob anjomlari ko‘rgazmali namoyishi tashkil etildi.

Tadbir davomida ishchi-xodimlarga  birlamchi o‘t o‘chirish vositalardan foydalanish usullari, yong‘inlar  va  turli  xildagi  favqulodda  vaziyatlarning  kelib  chiqish  sabablari  hamda  ularda  qanday  harakatlarni  amalga  oshirish  kerakligi  to‘g‘risida  yo‘l-yo‘riqlar  berildi.

Korxonamizda  “Yong‘in xavfsizligi oyligi” o‘tkazish  doirasidagi  tadbirlar  davom   etadi.

“Farg‘onaazot” AJ matbuot xizmati