Farg‘ona shahrida, viloyatimiz aholisi va ayniqsa jajji bolajonlar uchun qishki ta’til kunlari Yangi yilga bag‘ishlangan xilma-xil bayram tadbirlari tashkil etilgan.

Korxona rahbariyati va jamoat tashkilotlari o‘z xodimlarining farzandlari uchun Farg‘ona shahridagi O‘zbek musiqali drama teatriga unutilmas sayohat tashkil qildi.

Xususan, dam olish kunlari bolalar “Sehrli hassa” bayram tadbiridan zavq olish imkoniyatiga ega bo‘ldi.

Ajoyib dekoratsiyalar, rang-barang liboslar, musiqa va xoreografiya ham bolalar, va kattalarning e’tiborini o‘ziga jalb etdi.

Yosh tomoshabinlar ertak kahramonlari ishtirokidagi sahna ko‘rinishlarini katta qiziqish bilan kuzatishdi.

Teatr bolaning shaxsini shakllantirishda muhim rol o‘ynaydi. Chunonchi teatr tomoshalari adabiyotga bo‘lgan qiziqishlarini rivojlantirishga, ijodiy fikrlashga, yaxshilik va go‘zallikka bo‘lgan muhabbatni tarbiyalashga yordam beradi.

“Sehrli hassa” spektakli yaxshilik, do‘stlik va o‘zaro yordam kabi qadriyatlarni yaqqol namoyon etdi va yosh tomoshabinlarda unutilmas taassurotlar qoldirdi.

“Farg‘onaazot” AJ matbuot xizmati