8 mart – “Xalqaro xotin-qizlar kuni” bayrami munosabati bilan korxonaning sexlarida bayram tadbirlari davom etmoqda.  Shunday tadbirlardan biri Xo‘jalik sexining xotin-qizlari o‘rtasida “Ayol borki – olam munavvar” shiori ostida “Balli qizlar” ko‘rik-tanlovi, 7 – mart kuni o‘tkazildi.

“Balli qizlar ” tanlovida sexning faol, iste’dodli mehnatkash ayollaridan Nazarova Odinaxon, Dadaxo‘jayeva Yorqinoy, Qoraboyeva Xumora, Abduraximova Gavxaroy, Qosimova To‘xtaxonlar ishtirok etdilar. Ko‘rik – tanlovda ishtirokchilar o‘z bilim-salohiyatini, pazandalik mahoratini namoyon etishdi.

Keskin o‘tgan bellashuvda shartlar bo‘yicha eng ko‘p ball to‘plagan Abduraximova Gavxaroy – birinchi o‘rinni, Dadaxo‘jayeva Yorqinoy – 2-o‘rinnni, Qoraboyeva Xumora – 3-o‘rinni egalladilar. Faxriy o‘rinlarni egallagan hamda faol ishtirok etgan qatnashuvchilar Kasaba uyushma qo‘mitasi hamda Yoshlar ittifoqi kengashining 1-2-3-darajali diplomlari va qimmatbaho sovg‘alari bilan taqdirlandilar. Faol ishtirok etgan qatnashchilar Qosimova To‘xtaxon va Nazarova Odinaxonlar faxriy yorliq hamda esdalik sovg‘alari bilan taqdirlandilar.

“Farg‘onaazot” AJ  Matbuot xizmati