Tashriflar davomida jamiyat ichki tartib-qoidalari, korrupsiyani oldini olish, “Odob-axloq Kodeksi”, “Oilaviy huquq targ‘iboti oyligi”, ma’naviy-ma’rifiy ishlar, yoshlar, xodimlar ijtimoiy himoyasi hamda xotin-qizlar bo‘yicha mavzular ko‘tarilib, ma’ruzalar qilinmoqda.

Haftaning har chorshanba va payshanba kuni o‘tkazilayotgan seminarlarda boshqaruv raisi maslahatchisi E. Abdullayeva, boshqaruv raisining yoshlar masalalari bo‘yicha maslahatchisi N. Sirojov, Kasaba uyushmasi qo‘mitasi raisi I. Adbuvohidov, Komplayens xizmati boshlig‘i G‘. Jabborov va xotin-qizlar masalalari bo‘yicha mutaxassis U. Axundjanovalar mavzuga oid nutq so‘zlab, ishchilarni savol va takliflarini ko‘rib chiqishmoqda.

Ta’kidlash lozimki, tashrifning asosiy maqsadi jamoada do‘stona muhit yaratish, tartib-intizomni yanada mustahkamlash, korrupsiyaga qarshi kurash, xodimlarga yaratilgan sharoitlar bilan yaqindan tanishib chiqish, sexlarda ma’naviy, yoshlar va ayollar masalalariga chuqurroq e’tibor qaratish hamda  oilalar parokandaligi oldini olishga qaratilgan.

“Farg‘onaazot” AJ matbuot xizmati