Korxonaning Qo‘riqlash bo‘limi xodimlari uchun psixologiya fanlari doktori Nargizaxon Ergasheva tomonidan “Jamoada stress holatlarining oldini olish hamda muloqotda ta’sir etish usullari” mavzusida navbatdagi psixologik seminar-trening tashkil etildi. Mazkur trening xodimlarning psixoemotsional barqarorligini mustahkamlash, kasbiy faoliyat jarayonida uchraydigan zo‘riqishlarni samarali boshqarish hamda jamoaviy hamkorlikni rivojlantirishga qaratildi.

Mashg‘ulotlar davomida ishtirokchilarga stress-menejment, konfliktologiya, emotsional intellekt, verbal va noverbal kommunikatsiya, aktiv tinglash hamda konstruktiv fikr almashish mexanizmlari bo‘yicha amaliy tavsiyalar berildi. Interaktiv metodlar, situatsion tahlillar va psixologik mashqlar orqali xodimlarning muloqot kompetensiyalari va ijtimoiy-psixologik moslashuv ko‘nikmalari rivojlantirildi.

Tadbirda yoshlar ittifoqi yetakchisi Nurmurod Sirojov ham ishtirok etib, trening jarayonida xodimlarning faolligi va ochiq muloqot muhiti shakllanishiga hissa qo‘shdi.

“Farg‘onaazot” AJ matbuot xizmati