Bugun, korxonamizda 14-yanvar Vatan himoyachilari kuni munosabati bilan “Yangi O‘zbekiston armiyasi – mamlakat tayanchi, xalqimiz faxri!” shiori ostida sport musobaqasi o‘tkazildi.

Tadbirni korxona Kasaba uyushmasi, Yoshlar ittifoqi Kengashi va O‘zbekiston Respublikasi Milliy gvardiyasi Farg‘ona viloyati Qo‘riqlash boshqarmasi hamkorligida tashkil etildi.

200 nafardan ziyod ishchi-xodimlar ishtirok etgan mazkur tadbir piyoda yurish marafoni bilan ochildi, so‘ng badantarbiya mashqlari bajarildi, tadbir yakunida ayollar va erkaklar o‘rtasida Kamondan otish sport turi bo‘yicha musobaqa o‘tkazildi.

Qiziqarli va murosasiz kechgan musobaqalar yakuniga ko‘ra ayollar o‘rtasida faxrli o‘rinlar quyidagicha taqsimlandi:

1- o‘rinni Sirka angidridi va Sirka kislotasini qayta tiklash sexi xodimi Rahimova Zarifaxon egalladi;    

2- o‘rinni Soda ishlab chiqarish sexi xodimi Axunova O‘lmasxon egalladi; 

3- o‘rinni Karbamid ishlab chiqarish sexi xodimi Abdullayeva Nilufar egalladi.  

Erkaklar o‘rtasida natijalar quyidagicha bo‘ldi:

1- o‘rinni Markazlashtirilga buxgalteriya xodimi G‘ofurov Eldor egalladi;

2- o‘rinni Ammiakli selitra ishlab chiqarish sexi (AS-72M) xodimi Rahimov Baxtiyorjon egalladi;

3- o‘rinni Matbuot xizmati xodimi Begidjanov Otabek egalladi.

Musobaqaning barcha sovrindorlari korxona Kasaba uyushma qo‘mitasi,  Yoshlar Ittifoqi Kengashi hamda O‘zbekiston Respublikasi Milliy gvardiyasi Farg‘ona viloyati Qo‘riqlash boshqarmasi tomonidan diplom va esdalik sovg‘alar bilan taqdirlandilar.

“Farg‘onaazot” AJ matbuot xizmati