Hurmatli haydovchilar, avtomobil transporti sohasida jonbozlik ko‘rsatayotgan xodimlar! Barchangizni korxona ma’muriyati nomidan  kasb bayramingiz bilan samimiy muborakbod etamiz!

 Ushbu bayram avtotransport vositalarining uzluksiz ishlashini ta’minlaydigan barcha insonlar – haydovchilar, mexaniklar, avtotransport xizmatlari rahbarlari, transportni tashkil etish va texnik xizmat ko‘rsatishda ishtirok etayotganlar kunidir.

Shuningdek, bayram munosabati bilan korxonaning Avtotransport sexida mehnat qilib,  transport sohasida faoliyat yuritayotgan, korxona rivojiga  munosib hissa qo‘shib kelayotgan bir guruh fidoyi xodimlarga jamiyat rahbariyati tomonidan faxriy yorliqlar hamda qimmatbaho sovg‘alar topshirildi.

Ta’kidlash lozimki, korxonamizning muvaffaqiyatli ishlashi uchun avtotransport vositalarining ahamiyati beqiyosdir. Bu kasb yuqori fidoyilik, mahorat va mas’uliyatni talab qiladigan murakkab kasbdir.

Soha mutaxassislariga – xavfsiz va ravon yo‘llar, ishonchli avtoulovlar, yo‘llarda o‘zaro tushunish va hurmat, sog‘lik, baxt va farovonlik tilaymiz!

Bayramingiz muborak bo‘lsin!

                                                          “Farg‘onaazot” AJ matbuot xizmati