“FAVQULODDA VAZIYATLARDAN MUHOFAZA QILISH VA FUQARO MUHOFAZASI OYLIGI” DOIRASIDA NAVBATDAGI PROFILAKTIK TADBIR O‘TKAZILDI
Xabaringiz bor, korxonamizda 15-martdan 15-aprelgacha "Favqulodda vaziyatlardan muhofaza qilish va fuqaro muhofazasi oyligi" doirasida keng qamrovli profilaktik tadbirlar o‘tkazilmoqda.
Uning doirasida, bugun jamiyatning Sanoat xavfsizligi boshqarmasi, Qutqaruv otryadi hamda FVB OYXTTEB xodimlari bilan hamkorlikda Jihozlarni markazlashtirilgan ta’mirlash sexi ischi-xodimlariga amaliy profilaktik tadbir tashkil etildi.
Xususan, o‘quv mashg‘ulot jarayonida asosiy urg‘u xavfli ishlab chiqarish obyektlarida sanoat xavfsizligini ta'minlash, yuzaga kelishi mumkin bo'lgan tabiiy, zilzila (ya’ni yer silkinishi), texnogen va ekologik xususiyatli favqulodda vaziyatlarda fuqarolarni muhofaza qilish, yong‘inlar profilaktikasi samaradorligini oshirish, is gazidan zaharlanish, gaz-havo aralashmasining chaqnashi, turli xil kimyoviy moddalardan zaharlanishlar kabi ko'ngilsiz holatlarni oldini olish, yuzasidan ishchi-xodimlarga nazariy davra suhbati tashkil etildi.
Tashkil etilgan tadbirdan ko‘zlangan asosiy maqsad korxona ishchi-xodimlarni bilim va ko'nikmalarini yanada mustahkamlash.
“Farg‘onaazot” AJ matbuot xizmati