Xabaringiz bor mamlakatimiz bo‘ylab favqulodda vaziyatlarning oldini olish va ularni bartaraf etish bo‘yicha 15-noyabrdan 15-dekabrga qadar “Yong‘in xavfsizligi oyligi” e’lon qilingan. 

Joriy yilning 25 noyabr kun, jamiyatimizning I-sanoat maydoni ishchi-xizmatchilarga, “Yong‘in xavfsizligi oyligi” doirasida targ‘ibot va tashviqot tadbiri bo‘lib o‘tdi.

Keng  ko‘lamli  profilaktik tadbir, korxonaning  Mehnat muhofazasi, xavfsizlik texnikasi, atrof muhitni muhofaza qilish va xavfli ishlab chiqarish obyektlarini sanoat xavfsizligi boshqarmasi  va FVB  OYXTTEB  xodimlari hamkorligida tashkil etildi. 

Tadbirda ishchi-xodimlarga favqulodda vaziyatlar yuzaga kelganda uni bartaraf etish, jabrlanganlarni qutqarish,  birinchi tibbiy yordam ko‘rsatish, sodir bo‘lgan yong‘inni o‘chirish bo‘yicha o‘quv mashqlari hamda texnikalar namoyishi bo‘lib o‘tdi.

Tadbir  so‘ngida  ishchi-xodimlarga  sanoat  va  yong‘in  xavfsizligi, QO-1, QO-2, QO-3  qoidalariga  qat’iy  rioya  etish  bo‘yicha  yana  bir  bor  eslatmalar  berib  o‘tildi.

Korxonamizda  “Yong‘in xavfsizligi oyligi”ga bag‘ishlangan tadbirlar  davom   etadi.

 “Farg‘onaazot” AJ matbuot xizmati