Avval xabar berganimizdek, hukumat komissiyasining tegishli bayoniga muvofiq joriy yilning 1-iyul kunidan 1-avgust kuniga qadar “Dolzarb  30 kun”  e’lon qilingan bo‘lib, mazkur tadbirlar doirasida  “Farg‘onaazot” AJning  Sanoat xavfsizligi boshqarmasi  hamda  FVB  OYXTTEB  xodimlari bilan hamkorlikda  korxonaning  sexlarida yong‘in xavfsizligi bo‘yicha profilaktik tadbirlar o‘tkazib kelmoqda.

Mazkur profilaktik tadbirlardan biri joriy yilning 24-iyul kuni Soda ishlab chiqarish sexining ishchi – xodimlari uchun tashkil etildi. Tadbirda  xodimlarga  yong‘inlar va turli  xildagi  favqulodda  vaziyatlarning  kelib  chiqishi, bunday vaziyatlarda qanday harakatlarni  amalga  oshirish  kerakligi  to‘g‘risida  to‘liq ko‘rsatmalar berib o‘tildi.

Shuningdek,  ishchi-xodimlarning  bilim  va  ko‘nikmalarini  oshirish maqsadida  birlamchi yong‘in o‘chirish vositalaridan foydalanish tartiblari va qoidalari, sohada  qo‘llanilayotgan  texnikalar  va ularning  imkoniyatlari  to‘g‘risida ma’lumotlar berib o‘tildi.

Tadbir  so‘nggida  ishchilar  sanoat  va  yong‘in  xavfsizligi  qoidalari yuzasidan turli savollar bilan soha vakillariga yuzlanishdi va atroflicha javoblar oldilar.

“Farg‘onaazot” AJ matbuot xizmati