Ру O`z En

FAVQULODDA VAZIYATLARDAN MUHOFAZA QILISH VA FUQARO MUHOFAZASI OYLIGI DOIRASIDA 1-SANOAT MAYDONI HUDUDIDA PROFILAKTIK TADBIR O‘TKAZILDI

Avval xabar berganimizdek, korxonamizda 15-martdan 15-aprelgacha "Favqulodda vaziyatlardan muhofaza qilish va fuqaro muhofazasi oyligi" doirasida turli xil amaliy profilaktik tadbirlar o‘tkazib kelinmoqda.

         Bunday tadbirlaridan biri, bugun I-ishlab chiqarish maydonida jamiyatning  Sanoat  xavfsizligi, Fuqaro muhofazasi va favqulodda vaziyatlar boshqarmalari, Qutqaruv otryadi hamda FVB  OYXTTEB xodimlari bilan hamkorlikda tashkil etildi.

         O‘quv mashg‘ulotni o‘tkazishdan ko‘zlangan asosiy maqsad xavfli ishlab chiqarish obyektlarida sanoat xavfsizligini ta'minlash, yuzaga kelishi mumkin bo'lgan tabiiy, texnogen va ekologik xususiyatli favqulodda vaziyatlarda fuqarolarni muhofaza qilish, yong‘inlar profilaktikasi samaradorligini oshirish, is gazidan zaharlanish, gaz-havo aralashmasining chaqnashi, turli xil kimyoviy  moddalardan zaharlanishlar kabi ko'ngilsiz holatlarni oldini olish, shuningdek, olovli va gazga xavfli ishlarni qay tartibda olib borish yuzasidan ishchi-xodimlarga nazariy profilaktik davra suhbati hamda ko'rgazmali texnikalar namoyishi tashkil etildi.

         Tashkil etilgan tadbirda ishchi-xodimlarga barcha jarayonlar ularning bevosita ishtirоkida amaliy ko'rsatib berildi va shu orqali bilim va ko'nikmalarini yanada oshirib borildi.

 

“Farg‘onaazot” AJ matbuot xizmati

Belgilangan matnni tinglash uchun quyidagi tugmani bosing Powered by GSpeech